Tamningar

Sigvaldi starfar ekki að svo stöddu við staðbundnar tamningar þar sem hann starfar sem
 staðarhaldari og reiðkennari á Mið-Fossum hjá Landbúnaðarháskóla Íslands. 
Þó tekur hann einstaka hesta þegar tími og pláss leyfir og er óhætt að hafa samband.

Frumtamningar

Á haustin er yfirleitt tekin inn hross í frumtamningu. Frumtamningarferlið er markvisst þar sem að markmiðið er að hesturinn læri að virða manninn, bæði í umgengni sem og í reið, sé orðinn vel reiðfær og skilji grunnábendingar. Að loknu frumtamningarferlinu skal hann vera vel undirbúinn fyrir áframhaldandi þjálfun.

Tamning og Þjálfun

Þjálfun hrossa er vand með farin vinna hvort sem um er að ræða reið-, keppnis- eða kynbótahross. Lagt er upp með að undirbúa hestinn vel fyrir komandi verkefni og að hann skilji ábendingar knapa og framkvæmi þær af næmni og léttleika. Unnið er í því að fá hestinn jákvæðan í allri vinnu og gagnkvæmur skilningur hafður að leiðarljósi. Hér er unnið út frá forsendum hestsins af virðingu og nærgætni sem skilar sér í skemmtilegri vinnu og  auknum líkum á árangri.

---