 Sigvaldi og Leiftur á hlaupum | Þó tíðindi héðan hafa verið heldur döpur í vetur hefur engu að síður margt drifið á daga okkar hér fyrir norðan. Veturinn hefur verið góður upp á síðkastið þó hann sýni þess ekki merki að vilja fara. Við höldum þó fast í vonina um að vorið komi og við fáum hlýtt og gott sumar. Hér á Hólum er ávalt líf og fjör. Nemendur halda uppi mannlífinu og margir nýjir mættir á svæðið þar sem um 20 nemendur mættu hingað galvaskir í mars til að þreyta síðasta 3ja árið sem kennt verður með gamla kerfinu. 2. árs nemar eru síðan flognir í verknám og nú styttist óðum í próf hjá hinum. Útskrift er á næsta leyti og sumarleyfi taka við. Alltaf nær þessi tími að koma aftan að manni þar sem manni finnst haustlaufin nýfallin, vetrartíðin staldrað stutt og að jólin hafi bara verið í gær. En alltaf kemur sú góða stund að maður tekur á móti sumrinu með opnum örmum sem sennilega flýgur hraðast yfir af okkar íslensku árstíðum. En þá er bara best að njóta á meðan laufin hanga á trjánum. |
Sigvaldi hefur aðeins verið að skreppa af bæ með hesta sína í eftirdragi þó ekki í miklu magni. Þeir Leiftur frá Búðardal skelltu sér í fimmgang í Skagfirskumótaröðinni fyrr í vetur með ágætis tilburðum. Þeir félagar höfnuðu í 6. sæti eftir forkeppni og áttu þá öruggt sæti í B-úrslitum. Þeir félagar mættu sprækir í úrslitin, áttu þar flotta skeiðspretti sem færðu þeim farmiða í A-úrslitin. Þó þeir félagar væru orðnir frekar þreyttir enda langt liðið á kvöldið, kláruðu þeir úrslit með ágætum og enduðu í 4. sæti. Ágætis byrjun hjá þeim gamla.
Í mars var svo komið að Sóldöggu frá Skógskoti að taka fyrstu skeiðspretti ársins en þau tóku þátt í áskorendamóti Riddara norðursins fyrir lið Narfastaða. Þrælskemmtilegt mót þar sem riðin eru úrslit í þessum almennu greinum og endað á flugskeiði í gegnum höllina. Þau höfðu nú áður skeiðað þarna í gegn en ekki síðan 2010 og þá á tímanum 5.17. Markmið þessa móts var að ná heilum og gallalausum sprettum í gegnum höllina og ekki lagt upp með neinar bætingar enda fyrsta mót ársins. Það tókst, tveir flottir sprettir og fjöður í hattinn með sigri á tímanum 5.33 og eins sigraði lið Narfastaða í heildarkeppninni. Í byrjun apríl mættu þau á Skagfirsku mótaröðina, auknar kröfur að sjálfsögðu, tíminn 5.21 og sigur. Í lok apríl mættu þau á stórsýninguna Tekið til kostana þar sem að margir góðir hestar mættu til leiks í skeiðið. Þarna voru settar kröfur á gömlu og kom ekkert annað til greina en bæting. Hún gerði gott betur en það og sprengdi 5 sek. múrinn og á 4.99 sek. í gegnum höllina og það færði þeim sigurinn heim. Þrjú mót og þrír sigrar gefa keppnistímabilinu framundan góðan byr.
Þá má með sönnu segja að Sóldögg sé búin að vera efnileg frá því hún var folald þar sem hún sýndi snemma fram á tilburði sína á skeiði og fór vart um á öðrum gangi. Sigvaldi ræktaði hana sjálfur og hefur tamið hana alla tíð með smá inngripi frá föður hans þegar tímaskortur var með námi og vinnu. 2007/2008 var hún tekin fyrst á keppnisbrautina og bætti sig stigjafnandi. Það var svo 2009 sem hún var farin að slá sér upp í toppsætin. Veturinn 2010 byrjaði mjög vel en eins og glöggir hestamenn vita þá tók við þarna um vorið hestapestin skæfa sem lagðist þungt á Sóldöggu. Hún fékk mikinn hósta og fór strax út um vorið og kom ekki inn fyrr en næsta vetur. Það tímabil gekk mjög vel. Sigvaldi keppti á henni í Uppsveitadeildinni og sigraði það og á hún enn metið í gegnum höllina, 2.94 sek. Um vorið 2011 var Sigvaldi duglegur að mæta með hana til leiks og sýndi hún mikla tilburði. Hún rauf loksins 8 sek. múrinn og fór best á 7.87 og gerði það einnig gott í gæðingaskeiði. Sóldögg og Sigvaldi voru búin að vinna sér inn rétt til að keppa á landsmóti með einn af bestu tímum ársins og lá leið þeirra í Skagafjörðinn þar sem gera átti gott. Betra var það ekki en svo en þegar mætt var í Skagafjörðinn fer kerran aftan úr bílnum með Sóldöggu innanborðs. Hún slasast verulega, hún var þó óbrotin en við tók vonin um að hún myndi ekki bera varanlegan skaða af. Hún var ótrúlega fljót að ná sér og í lok sumars náðu þau meira að segja að mæta á eitt eða tvö mót og ná þar góðum tíma. Í fyrra náði hún aldrei sínu besta, hún fór að hósta sem jókst með sumrinu og ekkert annað við því að gera en að pása hana og úr varð rólegt sumar í keppni. Já...þetta hafa ekki alltaf verið 7 dagarnir sælir með hana Sóldöggu.
Nú er hún hinsvegar á feiknargóðu róli og vonandi fær hún loks að sýna hvað í henni býr og hún hætti að vera "efnileg" og fari virkilega að sýna sitt allra besta.
Í mars var svo komið að Sóldöggu frá Skógskoti að taka fyrstu skeiðspretti ársins en þau tóku þátt í áskorendamóti Riddara norðursins fyrir lið Narfastaða. Þrælskemmtilegt mót þar sem riðin eru úrslit í þessum almennu greinum og endað á flugskeiði í gegnum höllina. Þau höfðu nú áður skeiðað þarna í gegn en ekki síðan 2010 og þá á tímanum 5.17. Markmið þessa móts var að ná heilum og gallalausum sprettum í gegnum höllina og ekki lagt upp með neinar bætingar enda fyrsta mót ársins. Það tókst, tveir flottir sprettir og fjöður í hattinn með sigri á tímanum 5.33 og eins sigraði lið Narfastaða í heildarkeppninni. Í byrjun apríl mættu þau á Skagfirsku mótaröðina, auknar kröfur að sjálfsögðu, tíminn 5.21 og sigur. Í lok apríl mættu þau á stórsýninguna Tekið til kostana þar sem að margir góðir hestar mættu til leiks í skeiðið. Þarna voru settar kröfur á gömlu og kom ekkert annað til greina en bæting. Hún gerði gott betur en það og sprengdi 5 sek. múrinn og á 4.99 sek. í gegnum höllina og það færði þeim sigurinn heim. Þrjú mót og þrír sigrar gefa keppnistímabilinu framundan góðan byr.
Þá má með sönnu segja að Sóldögg sé búin að vera efnileg frá því hún var folald þar sem hún sýndi snemma fram á tilburði sína á skeiði og fór vart um á öðrum gangi. Sigvaldi ræktaði hana sjálfur og hefur tamið hana alla tíð með smá inngripi frá föður hans þegar tímaskortur var með námi og vinnu. 2007/2008 var hún tekin fyrst á keppnisbrautina og bætti sig stigjafnandi. Það var svo 2009 sem hún var farin að slá sér upp í toppsætin. Veturinn 2010 byrjaði mjög vel en eins og glöggir hestamenn vita þá tók við þarna um vorið hestapestin skæfa sem lagðist þungt á Sóldöggu. Hún fékk mikinn hósta og fór strax út um vorið og kom ekki inn fyrr en næsta vetur. Það tímabil gekk mjög vel. Sigvaldi keppti á henni í Uppsveitadeildinni og sigraði það og á hún enn metið í gegnum höllina, 2.94 sek. Um vorið 2011 var Sigvaldi duglegur að mæta með hana til leiks og sýndi hún mikla tilburði. Hún rauf loksins 8 sek. múrinn og fór best á 7.87 og gerði það einnig gott í gæðingaskeiði. Sóldögg og Sigvaldi voru búin að vinna sér inn rétt til að keppa á landsmóti með einn af bestu tímum ársins og lá leið þeirra í Skagafjörðinn þar sem gera átti gott. Betra var það ekki en svo en þegar mætt var í Skagafjörðinn fer kerran aftan úr bílnum með Sóldöggu innanborðs. Hún slasast verulega, hún var þó óbrotin en við tók vonin um að hún myndi ekki bera varanlegan skaða af. Hún var ótrúlega fljót að ná sér og í lok sumars náðu þau meira að segja að mæta á eitt eða tvö mót og ná þar góðum tíma. Í fyrra náði hún aldrei sínu besta, hún fór að hósta sem jókst með sumrinu og ekkert annað við því að gera en að pása hana og úr varð rólegt sumar í keppni. Já...þetta hafa ekki alltaf verið 7 dagarnir sælir með hana Sóldöggu.
Nú er hún hinsvegar á feiknargóðu róli og vonandi fær hún loks að sýna hvað í henni býr og hún hætti að vera "efnileg" og fari virkilega að sýna sitt allra besta.
Sigvaldi og Sóldögg á flugi.
